Dos juvenile Brahminy Kites el bajo ahora na rehabilitacion na Regional Wildlife Rescue Center del Departamento de Medio Ambiente y Recursos Naturales o DENR na Baclay, Tukuran, Zamboanga del Sur, asegun con el DENR del Martes.
Asegun con el oficina regional del DENR, el proceso de rehabilitacion amo para prepara con el dos joven rapaz para el largada na de ila habitat natural.
Con el dos juvenil Brahminy Kites ya recubri del otro semana el mga personajes del Oficina Comunitaria de Medio Ambiente y Recursos Naturales na Purok 2-A, Barangay Sigapod, Midsalip, Zamboanga del Sur.
Asegun con Marvin Malin, ya encontra le con el dos juvenile Brahminy Kites serca na un pugaran que ya cay desde’l pono de Lauan.
Asegun con el DENR, con el dos juvenil Brahminy Kites hay larga si preparao y puede ya sila independiente vivi na de ila habitat lugar. (B. Garcia)
