El largo tiempo conflicto entre dos familiares na Lanao del Norte que ya alcansa serca dos decadas finalmente ya resolve ya por medio del esfuerzos del Philippine Army, asegun con el militar del Martes.
Asegun con el 1st Infantry Division (1ID), el familiares del Bayao y Managsa ya firma un acuerdo de paz del Sabado durante un ceremonia que ya hace na Kutitap Beach Resort na Barangay Labu-ay, Maigo, Lanao del Norte.
Asegun con el 1ID, el conflicto ya principia del año 2005 por causa na un incidente de robo na Pendolonan, Munai, Lanao del norte.
Asegun con el 1ID, el incidente de robo ya ya escala en violencia que ya resulta na muerte de Masigal Managsa y el subsiquente desplazamiento del family Bayao para na municipio de Tangcal, Lanao del Norte.
Asegun con el 1ID, cuantos esfuerzos de reconciliacion, incluido del 2017, el ya falla adqueri una resolucion duradera.
Sin Embargo, esfuerzos renovados del mga oficiales local y fuerzas de seguridad ya crea mas conducivo ambiente para el paz.
Por medio de sostenido dialogo y mediacion que ya facilita el Philippine Army y lideres local, ambos familias ya conforma icha puera de ila diferiencias y tabaja para el duradera paz y unidad na provincia.
Durante el firmada de acuerdo de paz entre el familiares Bayao y Managsa, presente canda Teniente Coronel Neil Piad, comandante de 5th Mechanized Infantry Battalion; Police Captain Rodilio Diez, jefe del policia na municipio de Maigo; y oficiales del gobierno local que ta encabesa el Alcalde Rafael Rizalda y Vice Alcalde Lanto Muta. (B. Garcia)