El mga autoridad ya facilita con el amistoso resolucion del peleya entre dos facciones del Moro National Liberation Front (MNLF) marcando un significante descubrimiento na esfuerzo para hacida de paz na provincial del Basilan, asegun con el militar del Sabado.
Asegun con el 4th Civil Relations Group (4CRG), con el peleya entre el facciones de MNLF que ya encabesa si Muslimin Yasil y Barah Barahim ya resolve del Miercoles.
Ambos facciones del MNLF mga residentes del Barangay Bohe Baca, Tipo-Tipo, Basilan.
Asegun con el 4CRG, el resolvida del peleya entre el dos facciones del MNLF ya ase posible por medio del mafuersa colaboracion entre el 101st Infantry Brigade, por medio del 45th Infantry Battalion, y gobierno municipal de Tipo-Tipo con el suporta del otro mga sector.
Durante el ceremonia de resolucion, el mga protagonistas ya rindi dos rifle Garand como un acto de sinceridad y comprometido para tene paz.
“El resolucion ta hace mafuersa con el cohesion social y estabilidad prmoviendo unidad y reconciliacion entre el una vez opuesto facciones na Barangay Bohe Baca,” ya habla el 4CRG na un declaracion.
Asegun con el 4CRG, el resolucion del peleya el anticipado hay estimula actividades de economico y iniciativo de desarollo, que hay beneficia el comunidades local y hay fomenta un conducivo medio ambiente de inversion. (B. Garcia)