Zamboanga: 2 distrbuidor de droga ilegal muerto na tirahan

0
8
photo courtesy of PRO-BAR

Dos alegao notorioso distribuidor de droga ilegal el ya muri mientras un pulis ya iri na un tirahan na provincia de Tawi-Tawi, asegun con el policia del Domingo.

Asegun con el Police Regional Office-Bangsamoro Autonomous Region (PRO-BAR), el tirahan ya ocuri mga alas 8:50 del Jueves denoche na mercado publico del Bongao, Tawi-Tawi.

Asegun con el PRO-BAR, el tirahan ya ocuri despues que el mga suspechao notorioso distribuidor de droga ya tira cuando ya gole sila el llegada del mga pulis na mercado publico.

Asegun con el PRO-BAR, el mga pulis ta verifica con el informacion del un concierne residente cay tiene transaccion de droga ilegal el ta socede na mercado publico del Bongao cuando ya ocuri el tirahan.

El PRO-BAR ya identifica con el irido pulis como si Patrolman Abdulmijir Usman Kali, Jr. del Regional Mobile Force Battalion 14-B.

El PRO-BAR ya identifica con el dos muerto suspechao como canda alias Jay y alias Nasir.

Con Kali, Jay y Najir ya lleva na hospital pero ya declara muerto el doctor con el dos suspechao apenas llega na facilidad medical.

El mga pulis ya recubri na lugar del tirahan sinco grams de suspechao shabu enpaquetao na dos termosellada transparente sobrecitos plastico con el valor de P34,000, dos calibre .45 pistola con mga bala y un celpon.

Asegun con el policia, con el resto del dos muerto suspechao ya entrega na de ila familia para el ritos funerarios musulmanes. (B. Garcia)

Leave a Reply