El mga autoridad ya aresta dos personas y ya confisca mas de P1.1 millon valor de smuggled cigarillo na un operacion de aplicacion de ley na provincia del Lanao del Sur, asegun con el policia del Sabado.
Si Police Colonel Robert Daculan, el director del policia na provincia del Lanao del Sur, nohay identifica con el dos arestao personas con quien ya aresta mga alas 6:30 del Jueves aga na Carretera Nacional de Narciso Ramos, Barangay Bubong, Bacolod-Kalawi, Lanao del Sur.
Asegun con Daculan, el mga pulis ta conduci operacion de aplicacion de ley por medio na conducida del checkpoint cuando ya hace sila para un vehiculo con dos personas muntao para inspecciona.
El vehiculo que ya hace para el mga pulis ta conduci checkpoint ta viaja para na ciudad de Marawi desde municipio de Malabang, Lanao del Sur.
Asegun con Daculan, el mga pulis ya discubri el vehiculo ta carga 20 cajon de diferentes clase de cigarillo con el estimao valor de P1,140,000.
Si Daculan ya habla, con el dos arestao personas, vehiculo, y confiscao smuggled cigarillo ya pone bajo’l custodia del policia na municipio del Bacolod-Kalawi para el propio disposicion. (B. Garcia)