Dos personas ya aresta mga otoridad na separao campanya contra droga ilegal aqui na ciudad de Zamboanga, asegun con el pulisya local del Miyercoles.
Con el mga arestao suspechao ya conose como canda Hussin Jamud, y si Edward Daligdig, ambos mga 37 años el edad.
Asegun con Police Major Benjemar Ajibon, el hefe del Zamboanga City Police Station 4 (ZCPS4), cay con Jamud ya aresta na un “buy-bust operation” mga alas 11:35 del Martes denoche na Purok 2, Barangay Talisayan, este ciudad.
Si Ajibon ya habla cay ya puede recubri na posesion de Jamud 11 diutay pakete de suspechao shabu con el valor de P3,400, un pitaka, y P200 markao sen.
Con Daligdig ya aresta el mga personajes del ZCPS10 ta encabesa si Police Captain Rene Ceniza na un buy-bust operation mga alas 11:57 del Martes denoche na Purok 5, Barangay Patalon, este ciudad.
Ya puece recubri na posesion de Daligdig cuatro pakete de suspechao shabu con el valor de P6,460, un bolsa-bolsa, y P200 markao sen.
Con el dos arestao suspechao ya detene en preparacion para el plantada del formal asunto encontra canila por violacion del Comprehensive Dangerous Drugs Act of 2002. (B. Garcia, photo courtesy of ZCPS10)