El 1st Infantry Division (ID) ya honra con el heroismo del un soldao quien ya iri durante el reciente tirahan encontra con mga rebelde New People’s Army (NPA) na provincia del Zamboanga del Sur.
El irido soldao, si Private First Class Vergel Monsalud, como un reconosimiento na su heroismo, ya recivi medalya (Wounded Personnel Medal) desde con Major General Antonio Nafarrete, comandante del 1ID, quien ya visita con Monsalud na hospital del otro dia.
Con Monsalud ya pone bajo el curada medical na un ospital del militar por el irida que ya sufri ele durante el tirahan contra mga rebelde NPA del Julyo 7 na Purok 2, Barangay Saad, Dumingag, Zamboanga del Sur.
Con orgullo si Nafarrete ya comenda con Monsalud por su coraje y dedicacion na servicio.
Si Nafarrete ya expresa tamen su gratitud y suporta con el familya de Monsalud.
El familya de Monsalud ya recivi tamen suporta desde con el hefe del fuersa armada del Pilipinas, hefe del servicio de secreta del mismo mando y desde con el comandante del 102nd Infantry Brigade. (B. Garcia, photo courtesy of 1st Infantry Division)