El 1st Infantry Division (ID) ya inicia cambio na liderato del uno del mga battalion bajo mando del 103rd Infantry Brigade base na provincia del Lanao del Sur.
Con Tiniente Coronel Victor Victor-Czar Villanueva ya designa como el nuevo comandante del 41st Infantry Battalion y ele ya releva con Tiniente Coronel Angestal Angeles, II.
Si Major General Antonio Nafarrete, el comandante del 1ID, amo el ya encabesa con el ceremonya del cambio del mando que ya conduci na quartel del 103rd Infantry Brigade na Kampo Ranaw, ciudad de Marawi del Biyernes ya pasa, Agosto 11.
Si Angeles ya sirvi como comandante del 41IB dentro el periodo de un año y dos meses.
Si Angeles ya rindi si gratitud con todo mga oficiales del govierno local y otro concierne sector, hasta con el mga oficiales y personajes del 41IB por el suporta ya dale sila conele durante su tiempo como el comandante del battalion.
Si Villanueva ya promete continua el mga legacya ya establisi el mga antes lideres del battalion y ay ase le todo esfuerso para el acomplisimiento del mission del mando. (B. Garcia, (photo courtesy of 41IB)