El 1st Infantry Division (ID) ya designa con el Battalion Provisional para guardia con el benedero “Barangay and Sangguniang Kabataan Elections (BSKE)” na lugar bajo responsibilidad del 1ID.
Con el Batallion Provisional ya crea para omenta con el fuersa para proteje y dale pacifico ambiente con mga votantes, candidatos, y personajes del eleccion para alomenos tene iguales y claro proceso de eleccion.
Durante el ceremonia de despedida del Lunes na Camp Sang-an, si Brigadier General Yegor Rey Baroquillo, Jr., el interino comandante del 1ID, ya expresa su gratitud con mga soldao por el de ila inquebrantable compromiso y el importancia del de ila trabajo de defender con el democracia y mantenida de paz na comunidad.
“El de aton mga soldao ya esta bajo el entreno de diferentes situacion relatao na eleccion y desafios. Tiene sila el necesario abilidad y sabidoria para el seguridad del todo partidos envuelto na BSKE,” ya habla si Baroquillo.
Asegun con Baroquillo, el 1ID en coordinacion con el Comelec, govierno local y otro agencias de govierno, ay implementa estricto medidas de seguridad para privini violente incidente durante el period del eleccion.
Asegun con Baroquillo, con el Battalion Provisional ay designa mga delicao lugar para maxima de ila efectividad y presencia. (B. Garcia, photo courtesy of 1ID)