El Alcalde John Dalipe ya encabesa del Viernes aga con el distribucion del ayuda de alivio con 195 familiares quien ya escapa na de ila mga casa por causa del avenida del Miercoles denoche na Barangay Sangali, en este ciudad.
El distribucion del ayuda ya facilita el Oficina de Bien Estar Social y Desarollo o CSWDO.
Asegun con el CSWDO, el ayuda que ya distrui con mga familiares victima de avenida ta inclui mga petate, manta, paquetes de comida familiar estaba na Departamento del Bien Estar Social y Desarollo o DSWD que ya consisti arroz, productos enlatao, mesclao bebida y otros pa.
Asegun con el CSWDO, el mga beneficiarios ya evacua del Miercoles denoche por causa de inundacion que ya causa el fuerte aguacero. (B. Garcia)