El 18th Infantry Battalion (18IB) ya inicia cambio na liderato del su Alpha Company base na ciudad de Lamitan, provincia de Basilan, asegun con el militar del Sabado.
El 18IB ya habla, ya instola con First Lieutenant Sven Alistair Castro como el nuevo comandante del Alpha Company, relevando con First Lieutenant Justin Dale Pattag.
El Ceremonia del Cambio del Mando ya encabesa si Tiniente Coronel Mark Serapion Lagud Jr., el comandante de 18IB, que ya hace del Lunes, na puesto de mando del Alpha Company na Barangay Colonia, ciudad de Lamitan.
Na su mensaje, si Lagud ya articula el mga importante principios de liderato, descatando el necesidad para con mga oficial busca y accepta responsibilidad na de ila acciones.
Si Lagud ya enfatiza el responsibilidad del mga oficiales para na de ila personajes, de ila familiares, y de ila superiores dentro del Fuerza Armada del Filipinas, el comunidad que ta servi sila, y ultimamente, con Dios.
Si Lagud ya extende su mejor deseos con Pattag na su esfuerzos na futuro y ya promete dale todo suporta con Castro mientras ta asumi le como el comandante del Alpha Company.
Ya expresa apreciacion si Lagud por el significancia del evento, enfatizando el critical necesidad para un perfecto transicion de liderato para sostene efectividad operacional y defende con el estrategico vision del compania.
El ceremonia ta servi como un testamento na dedicacion y profesionalismo del 18IB y su inquebrantable servicio para mantene paz y seguridad na provincia de Basilan. (B. Garcia)Â