Total de 41 participantes el ya completa na dos dias formacion de Tactical Combat Casualty Care (TCCC) que ya conduci el 18th Infantry Battalion (18IB) na provincia del Basilan, asegun con el militar del Sabado.
El formacion ya conduci desde Miercoles hasta Viernes na quartel del 18IB na Barangay Campo Uno, ciudad de Lamitan, provincia de Basilan.
Asegun con el 18IB, el 41 participantes del formacion compuesto de tres oficiales, 38 personal alistado, y tres miembros del Oficina de Proteccion contra Incendios.
Asegun con el 18IB, el formacion intendido para enseña con el mga participantes con vital habilidades de salvar vidas para manejar situaciones de emergencias.
Asegun con el 18IB, el formacion ya cubri topicos esenciales incluido el Basic Life Support (BLS), Foreign Body Airway Obstruction (FBAO), Standard First Aid Instruction and Emergency Principles, y Intravenous (IV) Insertion.
Para reenforza aprendiendo y evalua proficiencia, el comite de formacion ya organiza ejercisio pratical que ya conduci durante el noche del segundo dia de formacion.
Asegun con el 18IB, dividido en sinco grupos, el mga participantes ya aborda simulacion movimiento nocturno y senario de emboscada, examinando de ila nuevo adquerido habilidades bajo presion.
El conducida del formacion ya facilita mga personajes del Basilan General Hospital, un profession instructor de TCCC con Capitan Aurelio Fergene Torres, el oficial de operaciones del 18IB como el director de curso. (B. Garcia)