El 25th Summer Learn to Play a Sports Program ya culmina ya ayer Martes Agosto 2,2022 con 1 780 atleta quien ya completa con el diila training program na 17 Sports Discipline.
Si Alcalde John Dalipe amo ya encabeza con el closing ceremony ya reitera que ta suporta ele con el maga Sport Development Program para puede produci maga buen atleta y asigura el buen futuru del maga joven zamboangueno. Ya organisa este el City Sports Division despues del 2 anyo descanso porcausa na pandemya y aura limitao lang este na maga bata tiene edad de 8 anyo hasta 15 anyo y considerando como fully vaccinated.
Highlight del culminating program que ya conduci na City Coliseum na Barangay Tetuan el demonstrasyon del maga quien ya gradua y presentasyon del maga certifico de recognisyon con el Chess Wizard Rovick Vohn Kiel Villa quien ya sale kampiyon na risiente Philippine National Age Group Chess Competition que ya conduci na Malolos Bulacan. (Cristine Falcasantos, Photo Courtesy John Dalipe Page)Â