Cagayan de Oro: Karneng baboy gikan Gensan nga naigo sa ASF, nasapon

0
0

Usa ka truck van nga nagkarga og 80 ka tibuok nga giihaw nga baboy gikan sa syudad sa General Santos ang nasapon sa mga otoridad sa Animal Quarantine Checkpoint diha sa Barangay Bugo bag-ohay lamang.

Si City Veterinarian Dr. Perla Asis namahayag nga gipabalik sa ‘point of origin’ ang maong truck van subay sa City Ordinance No. 14043-2021 nga nagdili pagpasulod sa produkto nga mga karneng baboy gikan sa African Swine Fever-Infected areas.

Ning uwahi, adunay mga balita kalabot sa ASF outbreak sa General Santos City hinungdan nga mas gidoble karon ang monitoring ug pagbantay sa nagkadaiyang animal quarantine checkpoints ning syudad aron masiguro nga walay makasulod nga mga karneng baboy ug buhi pa nga baboy gikan sa mga lugar nga naigo sa ASF.

Sa kasamtangan, anaa na sa proseso sa pag-apply alang sa category transition ang syudad sa Cagayan de Oro gikan sa RED (infected) zone ngadto sa PINK (buffer) zone inabagan sa Department of Agriculture (DA-10) nga maoy modeklarar nga ASF-free ang dakbayan.

Source: City Veterinary Office

LEAVE A REPLY

Please enter your comment!
Please enter your name here