Trese mga miembros del terorista local el ya rindi na autoridad na provincia del Sur Cotabato, asegun con el militar del Jueves.
Asegun con el 6th Infantry Division (6ID), el 13 terorista local ya rendi con el mga tropas del 5th Special Forces Battalion (5SFBn) del Martes na Barangay Miasong, Tupi, Sur Cotabato.
Asegun con Tiniente Coronel Danny Magaso, el comandante del 5SFBn, el mga rendidores ya inclui dos rebelde New People’s Army (NPA), 10 mga suportadores del Far South Mindanao Region del NPA, y el otro dos amo mga suportadores del Ansar Khilafa Philippines (AKP).
Asegun con Magaso, el rendida del 13 rendidores ya hace possible por medio del ayuda de Pablito Escobillo, el barrio capitan del Miasong.
Asegun con Magaso, el mga rendidores ya entrega cuatro rifles M-14, un rifle BAR, dos rifle Carbin, y un rifle Garand.
Si Brigadier General Andre Santos, el comandante del 1st Mechanized Brigade, Sonia Bautista del Oficina Provincial de Bienestar y Desarollo Social, y mga oficiales del Miasong, ya presenta con el mga rendidores con Gobernor Reynaldo Tamayo del Sur Cotabato. (B. Garcia)