El 11th Infantry Division (11ID) ta alista mga nuevo miembros de milicia como parte del esfuerzos para reforza con el mano de obra y mantene paz y seguridad na provincia del Sulu, asegun con el militar del Sabado.
El 11ID ya conduci examinacion para el alistada del aplicantes de milicia na de ila quartel na Campo Teodulfo Bautista, Barangay Busbus, Jolo, Sulu del Miercoles.
Asegun con el 11ID, el conducida del examinacion es un proceso para evalua con el aptitud fisica, y basico habilidades militar del mga aplicantes, asegurando para escuji mga calificado solamente para esta bajo na un adicional entreno.
El grupo ta alista ya enfatiza tambien el vital papel del milicia para ayuda con el militar responde na mga desafios de seguridad local, operacion de socorro en caso de desastre, y iniciativa de desarollo comunitario.
Asegun con el 11ID, el campaña de alistada, que ya atrae mucho aplicantes desde’l diferente partes de provincial, es parte del obligacion del Philippine Army para fortalece con el de ila fuerza con capable y dedicao individuales, quien hay asisti na preservacion de paz y estabilidad na Sulu.
El 11ID ya habla, el milicianos ta servi esencial multiplicadores de fuerza, suporta con mga regular personajes del militar na mantencion de seguridad y atende con mga amenazos dentro del comunidad. (B. Garcia)