El 1103rd Infantry “Kalis” Brigade ya inagura este dia de Viernes con el Kalis estacion de recargada de agua o Water Refilling Station, un significante evento que hay asegura cada tropa de Kalis hay tene acceso na limpio y segurao agua’y vivir.
Asegun con el 4th Civil Relations Group (4CRG), con el inaguracion del facilidad ya encabesa si Brigadier General Christopjer Tampus, el comandante del 1103Bde.
Presente tamen el otro mga oficiales y personajes del mando durante el inaguracion del facilidad na Camp Bud Datu, Barangay Tagbak, Indanan, Sulu.
Asegun con el 4CRG, exitao y con entusiasmo el mga personajes del 1103Bde durante el inaguracion del facilidad cay tiene ya sila donde puede saca limpio y de alta calidad agua.
El nuevo facilidad equipao de estado de arte sistema de filtracion, asegurando cay cada gota de alto estandar de pureza y sabor.
Asegun con el 4CRG, el inaguracion del facilidad hinde lang ta proporciona un vital recurso pero ta fomenta tamen un sentido de bienestar comunidad y sustenabilidad entre el mga soldao. (B. Garcia)