Ya visita del Domingo si Brigadier General Alvin Luzon, el comandante del 101st Infantry Brigade, con mga comunidad de “Moro Islamic Liberation Front (MILF)” na Basilan para sustene el triunfo del advocacia de resolvida de conflictos.
Asegun con el 101st Infantry Brigade, si Luzon ya visita primero con Commander Geon Arasad del “114th Base Command” na Campo Abu Muthana na Sitio Marang-Marang, Barangay Tuburan proper, Hadji Mohammad Ajul.
Despues, si Luzon ya procede para na Barangay Langgung del mismo municipio y ya visita con Commander Tanad Nasalon del 114th Base Command del MILF.
Si Arasad amo el diputado comandante mientras si Nasalon el comandante del primer batallon del 114th Base Command del MILF.
El visitada de Luzon con el dos lideres del MILF es parte del promesa del 101st Infantry Brigade para sustene con el triunfo del advocacia para resolve mga conflictos.
El pelea por largo tiempo del grupo de Arasad y Tanad recientemente ya resolva por medio del facilitacion del 101st Infantry Brigade. (B. Garcia)