Total de 101 nuevo designao privados el bajo ahora na 45-dia Infantry Orientation Training na 6th Infantry Division (6ID) na Maguindanao del Norte, asegun con el militar del Viernes.
Asegun con el 6ID, el entrenamiento desenao para mejora el habilidades fundamental del mga nuevo designao soldao.
El entrenamiento ya principia del Lunes y ta conduci na Barangay Semba Datu Odin Sinsuat, Maguindanao del Norte.
El mga aprendices ta composita del Infantry Orientation Training Class 01-2024.
Si Coronel Edgar Catu, el jefe de gabinete del 6ID, ya comenda con el dedication del mga soldao y ya enfatiza el significancia del programa de entrenamiento para mejora de ila operacional preparacion y esfuerzos na hacida de paz.
El objetivo del entrenamiento hay enseña con el mga nuevo soldao el propio saber, valor, y habilidades que hay guia canila na servicio con el publico y pais. (B. Garcia)