Un persona el ya muri mientras otro uno el ya iri na un incidente de tiroteo por causa na playto de terreno na provincia de Basilan, asegun con el policia del Viernes.
Asegun con el policia, el incidente ya socede mga alas 4:30 del Miercoles tarde na Barangay Ettub-Ettub, Sumisip, Basilan.
El policia ya identifica con el fatalidad como si Garam Sulaiman, 31 años el edad y residente de Barangay Tumahubong, Sumisip.
Con el irido victima ya conose como si Abubakrie Tuya, 17 años el edad y residente del Barangay Ettub Ettub.
Asegun con el policia, con el mga victima ya ataca el un grupo de armao personas que alegaomente ta encabesa si Najar Buena, quien ya escapa despues del incidente.
Asegun con el policia, peleya aserca si quien el verdadero dueño del un terreno el possible motivo del incidente. (B. Garcia)