Un miembro del Philippine Coast Guard (PCG) el ya muri na un accidente vehicular envuelto un motorsiclo y trak aqui na ciudad de Zamboanga, asegun con el policia local del Miercoles.
El policia local ya nombra con el fatalidad como si Gerry Estefan, 42 años el edad, un miembro del PCG base aqui na ciudad de Zamboanga.
Base na investigacion, antes del incidente ta maneja si Estefan motorsiclo na Veterans Avenue Extension, Barangay Sta. Maria para na direccion del pueblo mga ala 1:30 del Martes tarde.
Si Estefan ya man ipit na un trak de basura cuando ya man landug su motorsiclo y ya tumba na camino mientras ta precura le adelanta con el mencionao trak que ta maneja si Cristino Paragas, 65 años el edad.
Con Estefan ya lleva na hospital pero por mal suerte, ya declara conele muerto el doctor.
Nohay pasa nada con el Paragas, el chufer del trak de basura del govierno local. (B. Garcia, photo courtesy of Zamboanga City Police Station 7)