Un persona el ya iri mientras un casa y un tienda de madera el ya man uput na un incidente de incendio aqui na ciudad de Zamboanga, asegun con el bombero del Sabado.
Asegun con el Zamboanga City Fire District (ZCFD), ya ocuri el incendio mga alas 2:35 del Sabado aga na Sitio Presa, Barangay Curuan, ciudad de Zamboanga.
El ZCFD ya identifica con el dueño del casa y tienda de madera como si Jessie Delos Reyes, un residente de Barangay Curuan.
El ZCFD nohay mas nombra con el victima quien ya iri durante el incendio, que ya alcansa na terser alarma.
Asegun con el bombero, el incendio ya raza con el casa y tienda de madera de Delos Reyes.
El bombero ya habla, el incendio ya causa el destroso na propiedad que y alcansa na valor de P1.5 million.
Con el incendio ya puede apaga completamente mga alas 9:31 del Sabado aga, asegun con el bombero.
El bombero ta determina pa si cosa el causa del incendio. (B. Garcia)