Un high-value individual (HVI) el ya aresta y mas de P4 millon droga ilegal el ya confisca na un campaña contra droga na ciudad de Zamboanga, asegun con el policia del Jueves.
El policia ya identifica con el arestao suspechao como si Albasher Rahaman, 37 años el edad.
Asegun con Police Brigadier General Bowenn Joey Masauding, el director del mando regional del policia o Police Regional Office-9 (PRO-9), con el suspechao ya aresta na un operacion de compra busto mga alas 12:50 del Miercoles tarde na Purok 8, Barangay Sinunuc, ciudad de Zamboanga.
Asegun con Masauding, ya confisca na posesion del suspechao 15 termosallada transparente sobrecitos plastico de suspechao shabu que tiene el valor de P4,080,000, in bolso bandolera, 49 pedaso de P1,000 falso dinero que ya pone insima un real P1,000 markao sen.
Con el mga confiscao items ya imbia para na Regional Forensic Unit-9 para el examinacion mientras con el arestao suspechao ya detene na quartel del Zamboanga City Police Office para el propio disposicion.
Asegun con Masauding, con el suspechao ya aresta el combinao personanes del Regional Drug Enforcement Unit-9 en colaboracion con el Naval Intelligence Security Group-Western Mindanao. (B. Garcia)