Zamboanga: 1 carnaper muerto na tirahan, 2 arestao

0
7
9Photo courtesy of Regional Public Information Office - PRO 12)

Un carnaper el ya muri y otro dos el ya aresta el mga autoridad despues de un tirahan na provincia del Sultan Kudarat, asegun con el Area Police Command-Western Mindanao (APC-WM) del Martes.

Asegun con el APC-WM, el tirahan ya ocuri na Barangay Suben, President Quirino, Sultan Kudarat del Lunes.

El APC-WM, ya nombra con el muerto carnaper como si alias Ari, y el dos arestao como canda alias Lukman y alias Oman.

Asegun con el APC-WM, el tirahan ya ocuri cuando el mga suspechao ya tira con mga pulis quien ta ase apas canila despues que forsaomente ya saca sila el motorciclo del un motorista.

Asegun con el APC-WM, el mga operativas ya recubri na posesion del mga suspechao un calibre .45 pistola, un shotgun de 12 balina, un paltik pusil y el motorciclo del victima motorista.

Mientras tanto, si Police Major Pervical Augustus Placer, el director del Police Regional Office-12, ya comenda con el mga pulis por el de ila rapido y oportuno respondida con el incidente de carnaping.

Asegun con Placer, el rapido y oportuno respondida del mga operativas es un manifestacion del actitud proactivo del PRO-12 para asegura el seguridad del mga vivientes y proteccion del de ila propiedad. (B. Garcia)

Leave a Reply