El mga autoridad ya aresta un persona y ya confisca valor de P3.4 millones droga ilegal na un campaña contra droga na region autonomo, asegun con el Philippine Drug Enforcement Agency (PDEA) del Martes.
El PDEA na Bangsamoro Autonomous Region in Muslim Mindanao (PDEA-BARMM) ya nombra con el arestao suspechao como si Norhan Padao alias Datu Sajied, 25, un residente del Barangay Calawag 2, Isulan, Sultan Kudarat.
Asegun con el PDEA-BARMM, con Padao ya aresta na un “buy-bust operation” na Avenida Sinsuat na Barangay Poblacion 5, ciudad del Cotabato del Lunes.
Asegun con el PDEA-BARMM, ya puede recubri na posesion de Padao 500 gramos de suspechao shabu enpaquetao na 10 supot-supot de plastic que tiene el valor de P3,400,000, un celpon, un tarjeta de identificacion, y “buy-bust” sen.
Asegun con el PDEA-BARMM, el buen resulta del operacion contra droga ilegal ya ase posible por el esfuerzos entre agencias del policia, oficina nacional de investigacion.
Con el suspechao ya detene na carcel del PDEA-BARMM en preparacion para el plantada del asunto por violacion del Comprehensive Dangerous Drugs Act of 2002. (B. Garcia, photo courtesy of PDEA-BARMM)