Un vendedor de droga ilegal y valor de P102,000 suspechao shabu el ya confisca mga autoridad na un operacion de compra busto na provincia del Lanao del Sur, asegun con el Policia del Sabado.
Si Brigadier General Allan Nobleza, el Director del Policia na Region Autonomo, nohay mas nombra con el suspechao con quien ya aresta del Jueves na Barangay Cabasaran, ciudad de Marawi, Lanao del Sur.
Asegun con Nobleza, con el suspechao ya aresta despues que ya vende le droga ilegal con un miembro de policia quien ya pretende como comprador de shabu.
Asegun con Nobleza, ya puede recubri na posesion del arestao vendedor de droga mas o menos 15 gramos de shabu que tiene el valor de P102,000, un balutan de “boodle money” que ya pone insima un real P1,000 que ya usa como markao dinero.
Con el suspechao ya pone bajo’l custodia del policia na ciudad de Marawi en preparacion para el plantada del formal asunto contra conele por violacion del “Comprehensive Dangerous Drugs Act of 2002”. (B. Garcia)
