Zamboanga: 1 arestao, 2 ya escapa; P426,420 valor de droga ya confisca

0
8
(Photo courtesy of Police Regional Office Bangsamoro Autonomous Region)

Uno persona el ya aresta mientras dos otro el ya puede escapa y ya confisca valor de P426,420 droga ilegal na un campaƱa contra droga na Lanao del Sur, asegun con el Area Police Command-Western Mindanao (APC-WM) del Miercoles.

Asegun con el APC-WM, con el arestao persona ya conoce como si alias Carim. Nohay nombra el policia con el de suyu dos compaƱeros, quien ya puede escapa.

Asegun con el APC-WM, con Carim ya aresta na un operacion de compra busto del Lunes na Barangay Cadayonan II, ciudad de Marawi, provincia del Lanao del Sur.

El APC-WM ya habla, el otro dos vendedor de droga ya puede escapa cuando uno de ila ya nota cay ta si Carim ta ase transaccion de droga ilegal con un pulis y ya dale ya el senias para aresta conele.

El compaƱeros de Carim ya escapa abordo na un motorciclo para na direccion del Barangay Beyabadamag, ciudad de Marawi.

Asegun con el APC-WM, ya confisca na posesion de Carim 62.71 gramos de suspechao shabu enpaquetao na dos sobrecitos que tiene el valor de P426,420, un balutan de 49 pedaso de fotocapia P1,000 ya usa como boodle money que ya pone insima un real P1,000 como markao dinero y un contenedor de mascarilla.

Con Carim y mga confiscao evidencia ya pone bajoā€™l custodia del policia na ciudad de Marawi para el propio disposicion. (B. Garcia)

 

Leave a Reply