Sa taho gibana-bana nga niabot sa 160,000 ka mga deboto ang mitambong sa Penitential Walk with Jesus ug misa nga gipahigayon sa Basilica Minore del Santo Niño karong buntaga, Enero 9, 2025, sumala sa Cebu City Police Office. Kini ang nagtimaan sa pormal nga pagsugod sa mga kalihokan alang sa Fiesta Señor 2025.
Ang Penitential Walk with Jesus usa ka tradisyonal nga prosisyon nga nagsugod sayo sa kaadlawon ug gipangulohan sa mga deboto uban sa mga lider sa simbahan ug lokal nga opisyal sa syudad. Lakip sa mga nangulo mao si Cebu City Mayor Raymond Alvin Garcia ug iyang asawa nga si Mrs. Kate Garcia.
Human sa opening salvo, gisugdan usab karong adlawa ang matag oras nga misa sa Basilica, diin ang mga deboto makadungog sa pulong sa Ginoo ug makaampo alang sa ilang mga intensyon. Ang mga kalihokan alang sa Fiesta Señor magpadayon hangtod sa Kaplag ug Sinulog Festival, nga gilauman nga moabot sa liboan ka mga deboto gikan sa ubang lugar sa nasud.
Gihulagway usab sa Cebu City Police Office nga ang kalihokan milungtad nga malinawon ug hapsay, uban ang estrikto nga seguridad aron masiguro ang kaluwasan sa mga deboto. Daghang mga police personnel ug volunteers ang gibutang sa strategic nga mga lugar aron malikayan ang bisan unsang kagubot.
Ang Penitential Walk with Jesus usa ka mahinungdanong aktibidad nga nagpakita sa pagtuo ug pagkahiusa sa mga deboto nga naningkamot sa mas duol nga relasyon sa Balaang Bata nga si Señor Santo Niño.
📸 Cebu City PIO
I via Renante Socia Lada
#rpndykccebu
#675hzamband
#mrpublicservice