General Santos City – Ang World AIDS Day 2024 gipahigayon kagahapong adlawa, Disyembre 5, 2024 sa Goldenstate College Lagao Campus, diin mihatag og mensahe si Mayor Lorelie Geronimo Pacquiao.
Tumong sa maong kalihokan ang pagpataas sa kahibalo bahin sa HIV/AIDS ug paghatag ug saktong impormasyon sa mga lakang aron malikayan ang sakit ug pagtabang sa mga apektadong indibidwal. Ang mga estudyante, magtutudlo, ug lokal nga mga lider mitambong sa selebrasyon.
Ang mayor nipadayag sa iyang hingpit nga suporta sa mga programa batok sa HIV/AIDS ug sa kamahinungdanon sa edukasyon ug pag-atiman sa mga tawo nga apektado sa maong virus.
Si Mayor Lorelie Geronimo Pacquiao nipasalig nga ang lokal nga kagamhanan magpadayon sa pagpasiugda sa mga proyekto nga maghatag ug saktong edukasyon, serbisyo sa panglawas, ug suporta sa mga lungsoranon nga adunay HIV/AIDS.