Nakadawat ug vegetable processing equipment ang grupo sa mga kababayen-an dungan sa Turn Over and Ceremonial MOA Signing of Vegetable Processing Center nga gipahigayon didto sa Barangay Irasan Roxas, Zamboanga del Norte, Hulyo 6, niining tuiga.
Ang nasangpit nga proyekto nagkantidad ug P272,000.00.
Alayon niini ang Nabilid Roxas Womens Association nga maoy direct beneficiary, ang nipaabot sa ilang dakong pagpasalamant sa Department of Trade and Industry (DTI) ug ingon man sa kagamhanang probinsyal ilawom sa liderato ni Governor Rosalina “Nanay Nene” Jalosjos sa ilang nadawat nga livelihood project.
Ang nasangpit nga mga processing equipment naglangkob sa Vegetable Slicer, Pressure Cooker, Pulveriser, Sealing Machine, Dehydrator, ug mga stainless tables.
Matud ni Estrella Roda, Provincial Director sa DTI- Zamboanga del Norte nga kinahanglan ma-improved ang production sa mga utanon dinhi sa lalawigan aron maka-compete sama sa produksyon sa ubang nasud.
“Mao na ang provincial government nagrequest ani nga vegetable processing facility, kay we are more into value adding sa atoang mga produkto.
“Dili lang nga we will sell raw sa atoang mga produkto, kana nga mga hilaw sama sa mga utan pero ato silang i-process pareha sa ubang mga nasud.” –matud ni Roda
Katambayayong sa DTI mao ang Office of the Provincial Agriculturist sa pagpangulo ni Provincial Agriculturist Maybel Bustaliño.
Kahibaloan, ang nasangpit nga proyekto ilawom sa Shared Service Facility (SSF) Project sa DTI ubos sa koordinasyon sa kagamhanang probinsyal.
Dungan sa pagturn-over gipahigayon usab ang MOA signing tali sa kagamhanang probinsyal ug DTI.
Source: PIC Zanorte