Nadisgrasya an isa ka 10-wheeler wing van truck na may kargang mga prutas sa may kurbada na bahin sa National Highway sa Purok 2 Brgy. Trinidad, Surigao City.
Ang disgrasya nahitabo alas 2:15 sa kaadlawon, Disyembre 22, 2023 diin nahuyog sa pangpang sa may kurbada.
An driver tagdaya sa Caraga Regional Hospital nakilay-an sa pangayan na si Roberto Marbella Lladres 57 anyos, taga Cavite City samtang an tripolante na si John Carlo Montevergin Camit, 35 anyos na taga Cavite City usab an nakalukso sa sakyanan.
Gikan sa Davao an truck na may plakang NGR-1814 paingon unta kini sa Luzon agi sa Lipata Ferry Terminal karga an mga prutas. (RPN DXKS Surigao, photo courtesy by Dennis Elsisura)