Cagayan de Oro – MAPASALAMATON ang 33 Sendong beneficiaries sa GK-SMC Village, Barangay Balubal kang Mayor Rolando `Klarex’ Uy human nila nadawat ang titulo sa yuta adlaw’ng Huwebes Disyembre 21.
Ang distribution nga gipahigayon sa City Hall quadrangle gipangulohan ni Chief of Staff Shiela Lumbatan nga maoy mi-representar ni Mayor Klarex, City Councilor Edgar Cabanlas, Atty. Sam Rollo, head sa City Housing and Urban Development Department (CHUDD), ug Balubal Punong Barangay Pablo Bactong.
Sa iyang mensahi gipahalipayan ni Lumbatan ang mga benepisyaryo kay usa ka dako nga pinaskuhan ang ilang nadawat kay gawas nga aduna silay balay ug yuta nakaangkon pa kini og titulo.
Gipadayag ni Atty. Rollo ngadto sa mga benepisyaryo nga ang pagtunol sa titulo sa yuta maoy usa sa mga mando ni Mayor Klarex nga mahatagan og seguridad sa pagpuyo ang mga molupyo sa relocation sites pinaagi sa paghatag og titulo sa yuta.
Samtang gipadayag sa mga benepisyaryo nga dako ang ilang kalipay nga usa na sila karon ka landowner tungod sa titulo sa yuta nga ilang nahuptan ug kini ilang paga-ampingan.
News and photo by Cheleste Simene