Sa hiniusang manhunt operation batok sa isa ka wanted person sa mga operatiba sa kapulisan sa Bacuag Municipal Police Station, nasikop sa lead unit, iban sa Regional Anti-Cyber Crime Unit (RACU 13), ang akusado nga gipasakaan og kasong kalapasan sa R.A. 9995 kagahapon, Marso 20.
Si Police Colonel Laudemer M. Laude, ang Provincial Director, niila sa akusado nga isa ka 26-anyos nga minyo nga barbero nga taga Placer, Surigao del Norte.
Mga alas 11:30 sa buntag sa Purok-1 Barangay Buyongan, Placer, gidakop sa mga operatiba sa kapolisan sa Bacuag Municipal Police Station, ang lead unit, uban sa Regional Anti-Cyber Crime Unit (RACU 13), ang wanted person tungod sa paglapas sa Section 4(). a) sa R.A. 9995, ang Anti-Photo and Video Voyeurism Act of 2009, nga awtorisado nga pagkuha sa mga hulagway o mga video sa pribadong mga indibidwal nga waya ang ilang pagtugot ug sa mga kahimtang diin sila jaoy makatarunganon nga pagpaabot sa pribasiya ubos sa Criminal Case No. 16077.
Ang Regional Trial Court (RTC), 10th Judicial Region, Branch 30, niisyu sa warrant of arrest sa akusado sa Surigao City, Surigao del Norte, jadton Pebrero 28, 2024, nga jaoy girekomendar nga piyansa sa kantidad nga PHP 42,000.00.
Sa talaan sa Bacuag Municipal Police Station, gihimo sa akusado ang krimen jadton Hulyo 31, 2020, sa Zenitech Minerals Testing Laboratory, Purok-6 Km.8, Barangay Bonifacio, Surigao City.
Ang biktima, 27-anyos nga babaye nga laboratory technician, giingong nabiktima sa akusado, kinsa gikatahong gikuhaan og hulagway sa ija hubo nga lawas nga wayay pagtugot samtang naligo sa ija opisina.
Ang dinakpan jaon sa kustodiya sa Bacuag Municipal Police Station alang sa tukmang disposasyon. (Mark James Lisondra)
(Source: Surigao del Norte Police Provincial Office – Sdnppo)
