Sunod-sunod gipangdakop an walo ka mga Wanted Person sa Probinsya sa Surigao del Norte human kini may mga kasong gi.atubang ngadto sa korte.
Sa report nga gipagawas ni PCOL Laudemer M. Laude, isa ka 58 anyos nga babaje ug 59 anyos nga layaki gikan sa Del Carmen ug duha ka 18 anyos gikan sa lungsod nan Claver sa parehong kaso nga Theft.
Dugang pa isa ka 38 anyos nga layaki gikan sa lungsod nan San Benito nga may kasong illegal fishing isab an gidakop sa mga otoridad, isa ka 28-anyos nga self-employed nga indibidwal gikan sa lungsod sa Dapa, ug isa ka 23-anyos nga taga lungsod sa Del Carmen an gitanggong tungod sa paglapas forestry laws, samtang an isa ka 41-anyos nga layaki nga mag-uuma gikan sa lungsod sa Del Carmen an nag-atubang ug kaso sa VAWC law.
Sa pagka kuman an mga nadakpang akusado an jaon sa kustodiya sa tagsa-tagsa ka mga MPS. (Mark James Lisondra)