Nasikop sa mga operatiba sa kapolisan sa Gigaquit ug San Isidro Municipal Police Stations an nag-unang tuyo ka most wanted person sa probinsiya nga gipasakaan ug kasong frustrated murder ug an top 9 most wanted persons alang sa attempted homicide.
Nasikop isab sa mga operatiba sa kapulisan sa Alegria Municipal Police Station an Municipal Top One Most Wanted tungod sa kasong act of lasciviousness may kalabotan sa RA 7610.
Si Police Colonel LAUDEMER M LAUDE, Provincial Director, niila sa mga suspek nga isa ka 54-anyos nga minyo, wayay trabaho nga taga Ipil, Gigaquit; isa ka 66-anyos nga minyo, mananagat nga taga Barangay Pacifico, San Isidro; ug isa ka 22-anyos nga trabahador ug residente sa Barangay San Pedro, Alegria, Surigao del Norte puros taga Surigao del Norte.
Mga alas 12:10 sa udto, nasikop sa mga operatiba sa kapulisan sa Gigaquit Municipal Police Station an isa ka provincial top three most wanted person sa Purok-2, Barangay Ipil, lungsod sa Gigaquit, pinaagi sa warrant of arrest nga gipasakaan og kasong frustrated murder ubos sa criminal case number 10195. An Regional Trial Court, 10th Judicial Region, Branch 32 sa Surigao City nipagawas sa ija warrant of arrest jadton Marso 25, 2014, nga jaoy piyansa nga girekomendar nga Php200,000.00.
Samtang mga alas 12:30 sa udto, nasikop sa mga operatiba sa kapulisan sa San Isidro Municipal Police Station an top ten wanted nga indibidwal sa Purok-1, Barangay Pacifico, lungsod sa San Isidro, subay sa warrant of arrest sa kasong attempted homicide ubos sa criminal case number 2024-18.
Jadton Mayo 2, 2024, an Municipal Circuit Trial Court (MCTC), 10th Judicial Region, Del Carmen, San Isidro- San Benito, Surigao del Norte niisyu ug warrant of arrest sa kasong attempted homicide nga jaoy girekomendar nga piyansa nga Php36,000.00.
Dugang pa, sa Barangay Taganito, Claver Municipality, gidakop sa mga operatiba sa kapulisan sa Alegria Municipal Police Station, an lead unit pinaagi sa Intel packet sa PIT SDN, ug RIU 13 an isa ka top-wanted person sa lebel sa munisipyo tungod sa kasong act of lasciviousness may kalabotan sa RA 7610.
Mga alas 8:00 sa gabii ni.isyu pinaagi sa warrant of arrest ubos sa criminal case number 17455. An Regional Trial Court (RTC), 10th Judicial Region, Branch 29 sa Surigao City, Surigao del Norte, niisyu sa ija warrant of arrest tungod sa acts of lasciviousness jadton Abril 24, 2024, nga jaoy piyansa nga girekomendar nga Php80,000.00.
An tuyo ka mga dinakpan jaon kuman sa kustodiya sa ilang tagsa-tagsa ka municipal police stations alang sa tukmang disposasyon. (Mark James Lisondra)