Davao Region – Nagsugod na ang pagpatuman sa ikatulong hugna o ang ₱15 nga pagsaka sa minimum nga sweldo sa mga anaa sa non-agriculture sector nga dili mu-sobra sa napulo ang empleyado.
Ilawom sa wage order nga gi-aprobahan sa Regional Tripartite Wage and Productivity Board (RTWPB) XI, sugod Abril 1, magtupong na ang sweldo sa mga anaa non-agriculture sector, nga anaa sa ₱443 matag adlaw.
Alang sa mga nagtrabaho sa non-agriculture nga dunay kapin napulo ka mga empleyado, wala nay pagbag-o sa minimum nga panweldohan ug nagpabilin kini sa ₱443 matag adlaw.
Wala na usab pagbag-o sa mga anaa sa agricultural sector nga dunay minimum nga sweldo nga ₱438 matag adlaw.
Kahinumdumang Hunyo sa nakalabayng tuig, gi-aprobahan sa RTWB ang pagsaka sa sweldo sa mga mamumuo sa rehiyon nga gitunga sa tulo ka higayon. (Camille Santos Naraga)
(Source: CTTMO)