Cebu City – Pasakahan ug kaso karong adlawa ang usa ka vlogger nga nadakpan sa entrapment operation sa mga awtoridad tungod sa giingong pagpamaligya og malaw-ay nga hulagway ug video sa menor de edad nga lalaki pinaagi sa social media.
Una niini, gireklamo ang mga ginikanan sa 17 anyos nga lalaki nga taga dakbayan sa Lapu-Lapu ang vlogger sa pag-post niini sa hubo nga video ug hulagway sa ilang anak sa social media ug giingong gipamaligya sa mga customer nga mahiligon sa ingon.
Suma pa sa hepe sa Women & Children Protection Desk sa CCPO o Cebu City Police Office, Tenyente Galil Aiza Nacario, unang midangop ang mga ginikanan sa LCPO o Lapu-Lapu City Police Office batok sa 30 anyos nga si Juvan Lloyd Tumlos nga taga Ucma Village, Brgy. Lahug, Cebu City.
Dihang nasuta nga taga Cebu City si Tumlos, gi-refer dayon sila sa CCPO.
Matod ni Nacario, nakit-an sa mga ginikanan sa bayungbayong ang hubo nga hulagway ug video sa ilang anak sa social media hinungdang nagpatabang sila sa mga polis pag-ilasa nag-upload saingon.
Samtang ang 17 anyos nahibawo lang sa gi-post niyang mga hulagway ug video sa social media sa iyang higala.
Tungod niini, giplano dayon ang paglusad sa entrapment operation uban sa taga Department of Social Welfare and Services (DSWS) ug Inter-Agency Council Against Trafficking (IACAT) niadtong Biyernes sa gabii sa Salinas Drive, Lahug. (Jhon Tadlip/JTY)
(Source & photo courtesy of Cebu City Police Office)
