Cebu City – Patay ang usa sa mga sakay sa Tourist Van ug dunay laing na injured human sa pagka limbuwad sa ilang gisakyan, Martes alas 6:05 sa buntag, Hunyo 29, 2021, sa Barangay Bawo, Lungsod sa Sogod, Lalawigan sa Sugbo.
Giila ang namatay nga si Calixto Tolo, 60 anyos, molopyo sa Barangay Tilhaong, Lungsod sa Consolacion, Cebu.
Ang na injured sa insidente usa ka Teofilo Montejo, 48 anyos, minyo ug taga Barangay Cadaruhan, Borbon, Cebu.
Ang biktima nga si Tolo natug didto sa loyo sa van ug nadat-ugan kini sa van human sa pagka limbuwad.
Si Montejo nahiagom ug mga pangos ug bun-og sa nagkadaiyang parte sa lawas, nagduli kini dihang dad-on unta ngadto sa hospital.
Matod ni Police Staff Sergeant Dennis Pepito sa Sogod Police Station nga ang van driver nga si Neil Canete mibutyag nga samtang nagdagan ang sakyanan, naka agi sila ug lim-aw o basa nga bahin sa karsada gumikan sa pag-uwan sa lugar sukad pagka kadlawon.
Ang pagka dangog sa dan maoy hinungdan nga nawagtangan ug control si Canete sa iyang pag maneho.
Mibangga ang van sa poste sa suga ug sa usa ka kahoy nga miresulta sa ilang pagka limbuwad.
Gikan sa Canete sa Syudad sa Lapu-Lapu ug padung sa Lungsod sa Daanbantayan.
Sigon sa mga naka saksi nga kusug ang pa dagan sa van-80 ngadto sa 100 kilometers per hour.
(Jhon Tadlip/JTY)
(News & photo courtesy of Sogod Police Station)