Nanawagan na ang mga konsehal ngadtu sa General Santos City government nga himuon nang priority sa vaccination rollout ang mga seafarers ug overseas Filipino workers nga residente sa siyudad.
Base sa urgent resolution ni City Councilor Jose Orlando Acharon, giawhag usab niini ang local-IATF nga tugutan ang maong sektor nga makapamili sa ilahang brand sa bakuna batok sa coronavirus pandemic.
Sa pagkakaron, padayon gihapon ang vaccination rollout sa City Health Office alang sa nahibiling sakop sa priority groups nga A1, A2 ug A3 sa siyudad, gamit ang bagong 2,750 Sinovac vials nga nadawatan sa siyudad gikan sa Department of Health.
Samtang, sa mga sakop sa A4 category o mga frontline personnel sa essential sectors, padayon pang gihulat sa CHO ang alokasyon sa bakuna.
Matod pa ni CHO-National Immunization Program Coordinator, April Mae Maquilang, nagpadayon usab ang “masterlisting” sa local government units aron masayran ang kinatibukang ihap sa mga buot mopabakano gikan sa maong grupo. (John Rey Somido)