Saan nga agsarday iti panagtiliw ti pulisia kadagiti agsalungasing kadagiti naiyetnag a paglintegan gapu iti covid 19.
Segun kenni Ilocos Norte Provincial Director Senior Supt. Christopher Abrajano, dandani dua ribu ti bilang dagiti natiliw da sipud nangrugi iti ECQ, MECQ ken GCQ ditoy probinsiya agpapan Agusto 10.
Kunana a karamanen ditoy dagiti natiliw nga awanan iti facemask, panaglabsing iti social distancing, curfew ken liquor ban.
Kaadduan kadagiti natiliw ket taga Laoag City ken kabangibangnga ili.
Inpalgakna nga agtultuloy ti panagawat da iti reports aanipud kadagiti maseknan nga umili a mangidandanon kadagiti masiiman da a saan nga agtultulnog kadagiti minimum health protocols ken naaprobaran ng ordinansa wenno resolusyon ditoy probinsia.
Maipalagip nga adda iti binukel ti INPPO nga advocacy groups ken adda iti website wenno Facebook page da a pagireportan dagiti concerned citizens dagiti masiiman da nga aglabsing ken saan nga agtultulnog kadagiti naiyetnag a direktiba.
(Cita Macalipis, RPN DZRL Batac Correspondent)
(Source: Provincial Government of Ilocos Norte, photo courtesy of Ilocos Norte Police Provincial Office Facebook page)