Digos City – Patay ang usa ka tawo samtang laing usa ang nasamdan human nahugno ang karaan nga tulay sa Ebreo Power nga nahimutang sa Barangay Tres De Mayo, Digos City, Davao del Sur alas onse kaganinang buntag.
Giila ni Edgar Timtim sa Digos City Disaster Risk Reduction and Management Office (CDRRMO) dihang gihinabi sa mga tigbalita nga ang namatay mao si Joyco Failma, 30 anyos, nagpuyo sa Upper Panuntungan, Tibungco ning siyudad sa dabaw. Samtang ang nasamdan mao si Dexter Orapa, 37 anyos nga taga Santo Rosario, Digos City nga gidali sa pagdala sa ospital.
Giingon nga plano na nga i-demolish ang nasangpit nga karaan nga tulay sunod semana kung asa karong adlawa gisugdan na sa pagkuha ang seed file ilawom sa tulay apan wala damha nga kalit kining nahugmak nga mikalas sa kinabuhi sa biktimang si Failma.
(Source: Digos City DRRMO)
(Photo: Shila Mae Jaictin)