Balingasag, Misamis Oriental – Gipahiluna na karon ang patayng lawas sa usa ka biktima, samtang padayong nagpaalim ang lain pa human gipamusil sa mag-amahan niadtong sabado didto sa Baliwagan, Balingasag Misamis Oriental.
Ang biktimang namatay mao ang 28- anyos nga sj Jayson Achas, residente sa Sitio Man-iso Barangay Mangdangwa Balingasag Misamis Oriental ug ang samaran nailang si Allan Valmoria, residente sa Barangay 3 sa susamang lungsod.
Sigun ni Balingasag Municipal Police Station OIC Chief Police Major Arnold Gaabucayan nga gi-atangan sa mag-amahang suspek nga si Carlito Fabre ug anak nga 24 anyos nga si Charlito Fabre ang mga biktima samtang naglatas padulong sa trabahoan ug kalit na lamang gipaulanan og bala.
Naigo sa lima ka higayon ang biktimang namatay hinungdan sa hinanalig kamatayon niini
dugang pa nga pag-overtake sa motorsiklo ang hinungdan sa panagbingkil sa mga biktima ug suspek sa wala pa mahitabo ang insidente.
Balhog sa bilanggoan ang mga suspek human madakpan sa gilusad nga follow-up operation sa kapulisan ug gitakdang mag-atubang sa kasong murder ug frustrated murder.