Zamboanga del Sur – Gapahigayon ug entrapment drug buy-bust operation ang mga elemento sa kapulisan ang RDEU 9 Team Sur led by PLT. Dominic R. Dalena kauban ang Molave Municipal Police Station ug PIU-Zamboanga del Sur didto sa Purok 1 Barangay Sudlon, Molave, Zamboanga del Sur niadtong nakalabayng adlaw, ala 1:30 ang takna sa hapon Marso 24, 2021 ug miresulta sa pagka sikop sa suspect nga naila nga si Marie Roque Dy aka Dong, 40 anyos ang panuigon, lalaki, usa ka welder, nagpuyo sa Capitol Creek, Barangay Sto. Niño Pagadian City ug nasayran nga nadakpan na sa susamang violation sa Section 5 and 11 of RA 9165 .
Nakuha sa maong suspetsado ang upat ka sachet nga gikatuohang shabu, 1 ka Nokia Cellular phone color orange, 1 ka Black Fury Kawasaki motor walay plate number ug 1 kalibo kuarta ug adunay serial number PN450582 isip drug buy-bust money. Ang nakompiska nga item nga gikatuohang shabu adunay gibanabanang timbang nga 1 ka gramo kapin or kulang ug adunay market value nga nagkantidad ug 6,800 pesos.
Ang maong suspetsado nag atubang sa kaso nga paglapas sa RA 9165 o Comprehensive Dangerous Drugs Act of 2002 ug kasamtangang temporaryong na detina sa Molave Municipal Station para sa pormal nga disposition.
(Source: Pagadian News Icon)
