Usa Ka Simpleng Programa Gikatakda Ipahigayon Agig Pagsaulog Sa Ika Singkwenta Nga Tuig Nan Syudad Nan Surigao

0
33

Sa tagpahigayon na tigum sa mga Department Heads adlaw ng Miyerkules, Agosto 13 nga gipangulohan ni City Mayor Estong Matugas gihisgotan an pagpahigayon nan simple na programa agi’g pagsaulog sa Golden Charter Day kuman Agosto 31, 2020.

Ini an nakasabotan na desisyon sa mga kadagkuan sa gobyerno sa syudad sa pagtuman isab sa mga regulasyones na tagmando sanan ubos sa minimum protocols nan National Inter-Agency Task Force tungod inin Covid19.

Gumikan niini, an mga kalihokan limitado lamang ngadto na sa usa ka “Misa Pasalamat” (Thanksgiving Mass) sa Cathedral sa pagka 6:00 sa buntag; “Pag-isa sa nasudnong bandila” (Flag Rasing Ceremony) sa atubangan sa City Hall; ug sundan ini nan hamubo na programa diin mupalanog nan mga pakig-pulong sila ni Mayor Estong sanan si Govenor Lalo Matugas.

Matud pa nga mu tambong isab paglakip an mga kanhi mayor nan Surigao o representative nan pamilya aron sa pagdawat nan pasidungog na ihatag sa kasamtangang administrasyon ni Mayor Matugas isip paghatag nan bili o importansya sa mga nahimo sa dakbayan kon uno na ini sa pagkakuman.

Lakip sab nga mutambong ang mga “ka-birthday” nan syudad na mag edad isab ng ila ka 50 nga adlawng natawhan na jaoy tuyo kabook an mag birthday isab sa susamang buyan, adlaw sanan tuig.

Para masunod an mga protocols, kinahanglan an pag-obserbar sa physical distancing ug pag sukbot nan face mask.

Dugang pa, para maka saksi an tanang Surigaonon sa Golden Anniversary nan Surigao City gika-uyonan isab na ipahigayon an live streaming sa Surigao City Official Page – People’s Information Service (PIS).

Gika-uyonan isab na wayay na anay kuman na tuig an mga kalihokan sa kada duyom o mga “Nightly Affairs” sanan wayay anay himuon kuman na tuig na City Officials and Employees’ Night.

Wayay sab anay itugot na mga Alumni Homecoming, motorcade o parade sa mga eskwelahan, para makalikay kita tanan sa Covid -19 ug mas maluwas ang matag Surigaonon sa hulga sa maong virus.

 (Source: People’s Information Service Facebook page)

Leave a Reply