Usa ka senior citizen kinsa nahatagan ug hinabang,gikan sa mga personahe sa Bjmp Dipolog City Jail Male Dormitory subay sa ilang kalihokan “Foodie Bayanihan” diin ang maong tabang gipahinabo niadtong Hunyo 13, 2024.
Ang maong senior citizen naila nga si Tatay Rogelio,malipayong nahatagan ug mga groceries, nga gilangkoban sa biskwit, kape, gatas, canned goods ug gamay nga kantidad nga malipayon usab nga gidawat.
Matod pa, nga sa dihang ang mga personahe gikan sa Bjmp Dipolog CityJail MaleDormitory, pinangulohan ni SJO2 Llara G Ortiz, Unit WD, uban nila ni SJO1 Sheila B Dela Victoria, Unit CRS Officer, SJO1 Rechel M Ozaraga, Liason Officer, JO3 Anderson C Kadusale, Official nga drayber, mobalik na sa prisohan human mamalit og mga grocery alang sa “Foodie Bayanihan”, nga gamiton sa mga kalihokan sa sunod adlaw, si JO3 Anderson Kadusale, nakakita sa gamay nga barong-barong daplin sa karsada diin si Tatay Rogelio nakita nga nagpuyo niadto nga dapit.
Nasayran nga si Tatay Rogelio makakwarta,pinaagi sa pagpamaligya ug kangkong.
Sa samang higayon ang mga personahe sa pasilidad sa Bjmp Dipolog City Jail Male Dormitory,misaad nga mobalik ug mohatag ug dugang kang tatay Rogelio, ug makig-alayon sa mga lokal nga ahensya aron mahatagan ug dugang tabang alang kaniya. (Medalyn U. Borja)
(Source: BJMP Dipolog City Jail Male Dormitory)