Gidunggab sa likod ang usa ka lalaki ug icepick didto sa Lobing Ogis, Galas, Dipolog City sa may alas 11 sa kagabhion June 17,2024.
Ang biktima nailhan sa pangalan nga si Jomarie, Auditor sa mga construction worker, anaa na sa hamtong nga pangidaron ug kasamtangan nanimuyo sa brgy. Lingasad, Polanco, Zamboanga del Norte.
Matod pa sa inisyal nga imbestigasyon sa pagpauli ni Jomarie sa ilang panimalay gikan pa kini iyang gitrabaho didto sa Galas nahibulong lamang siya nga kalit siyang gi dunggab ni Alyas Antit sa iyang likod.
Hinungdan nga natumba ang biktima ug nawad an kini sa panimuot ug dali usab nakapanawag ug tabang ang mga tawo nga anaa atol sa panghitabo ug gidala dayun sa tambalanan para sa hinanaling pag atiman.
Sa pagkakaron padayon pa ang kapolisan sa Dipolog City sa pag imbestiga kung unsay motibo sa suspek ug nganu iyang nabuhat ang maong krimen. (Angelica T. Obina)
(Source: ZNPPO Press Release)