Davao de Oro – Narescue sa mga sakop sa PDEA-XI,Davao de Oro Police Provincial Office ug Mabini Municipal Police Station ang usa ka menor de edad human gilusad ang drug buy bust operation sa usa ka drug den sa Purok Marang, Mansaka Village, Mabini.
Giila ang dinakpan nga Jomar Gaudioso Sangulian, 30 anyos kinsa gitudlo nga drug denn ug empleyado niini nga si Daryl Benjamin Marcelo.
Sumala sa report, atol sa operasyon na rescue sa mga otoridad ang usa ka menor de edad nga batang babaye.
Nakuha sa dinakpan ang 3 ka mga sachets nga adunay sulod sa gituohang shabu nga mobalor sa P88,400 pesos ug transparent sachet nga adunay residue sa gituohang shabu, drug paraphernalia ug marked money.
Sa karon himas rehas ang mga dinakpan ug mag-atubang sa kasong paglapas sa RA 9165 kun Comprehensive Dangerous Drug Act of 2002. (Camille Santos Naraga)
(Source: PDEA XI)