Cagayan de Oro City – Duha ka public works officials nga maoy naghupot sa flood control projects sa syudad sa Cagayan de Oro miangkon nga dili pa nila malantaw nga mahatagan sa hinanaling solusyon ang street flooding sa syudad. Sa pagkakaron ang ilang solusyon mao ang non-engineering interventions nga nag-apil na sa proper garbage disposal ug segregation diha pa lang sa panimalay ug uban pa.
Matud pa ni Engr. Leowald Pecore, ang project head sa Department of Public Works and Highways region 10 nga nagpadayon pa hangtud karon ang implementation sa tulo ka urban drainage projects sa syudad. Kon matapos na ang maong proyekto sa tuig 2022, aduna nay kausaban sa kahimtang sa syudad.
Gipasabot ni Pecore nga ang master plans sa tulo ka urban drainage projects namugna niadtong 2015 nga nag-apil na sa Sapang, Carmen ug Bitan-ag ug Kolambog catchment areas, ang perennial flood-prone districts sa dakbayan.
Moabot na sa 2.351 bilyones pesos ang narelease na in traches sukad 2018 nga nagpresentar sa 36.10% sa 7.268-bilyones pesos nga funding requirements ug sa maong kantidad, aduna nay nakompleto nila pagtrabaho nga 10,588.35 lineal meters sa main drainage.
Ang nasangpit nga proyekto gitakda nga makompleto tanan sa tuig 2022. Gidugang pa ni Engr. Pecore nga nagkinahanglan usab sila sa assistance sa city government diha sa paghatag sa relocation site alang sa mga residente nga maapektuhan sa demolisyon sa ilang panimalay. (DPWH-10)