Babaguhin ng University of the Philippines (UP) researchers ang kanilang projection sa bilang ng coronavirus disease 2019 (COVID-19) infections sa bansa sa katapusan ng Agosto.
Inianunsyo ito ni Professor Guido David matapos na ibalik sa modified enhanced community quarantine (MECQ) ang National Capital Region (NCR) at mga karatig na lalawigan.
Ayon kay David, makatutulong ang MECQ para mapabagal ang transmission ng COVID-19.
Pinuri ni David ang mabilis na aksyon ng Pangulong Rodrigo Duterte sa kahilingan ng frontliners na magkaroon muna ng time out at higpitan na muna ang quarantine sa NCR.
Saludo kami sa pangulo kasi may conviction sya na gawin itong declaration na ito, kahit na medyo mabigat at karamihan sa mga advisers nya ay hindi ina-advise ito,” ani David. —sa panayam ng Balitang Todong Lakas