Nagpasabot si Provincial Inter-Agency Task Force Chief Dr. Jerie Calingasan nga adunay duha ka butang nga posibleng mahitabo sa mga tawo nga nabakunahan na sa COVID-19 vaccine. Una, mahimong dili na sila mataptan sa COVID-19 ug ang ika-duha posible pa nga matakdan sa virus apan dili kaayo sobrang magrabehan.
Gibutyag sab ni PIATF Chief Calingasan nga kadtong mga tawo nga dili magpabakuna batok sa COVID-19 mahimong variant factory sa maong virus nagpasabot nga ang virus mo-replicate sulod sa lawas labina nga walay mopakgang sa virus sulod sa lawas sa tawo.
“It’s said that unvaccinated people are variant factories…. so kung dili ka vaccinated ang mahitabo sa imo ang kadtong virus mag replicate, magdaghan nga magdaghan siya sa imong lawas kay wala may mopakgang sa iya dadto sa sulod sa imong lawas so that changes comes in also and you call that mutation and mutation are the variants.” Pasabot ni Dr. Calingasan.
Tungod niini, giawhag ni Dr. Calingasan ang katawhan nga magpabakuna kung dunay higayon nga mabakunahan hilabina nga gikumpirma niini ang pagsaka sa kaso sa DELTA variant sa laing nasud nga gituohang mas delikado.
“Mao nang pinaka importante nga kita kung naa nay panahon nga ma-injectionan kita sa vaccine, let’s get ourselves vaccinated.” Hangyo niini sa katawhan.
Ang kagamhanan sa lalawigan sa pagpanguna sa PIATF padayon sa pagkab-ot sa Herd immunity kay kini lamang ang usa sa nakitang solusyon nga ang makapatay nga virus dili na makapanakod ug kung duna man dili kaayo magrabehan. (PHO-MisOr)
